Agak ekstrim jugo judulnyo men dibaco ole fans Sean, tapi jangan marah dulu, kalo ngeliat Sean tuh memang dio nyanyi bagus malah kalo bole diomongi cocok dio samo Regina yang masuk final Indonesia Idol. Tapi kan kontestan (finalis) Indonesia Idol yang laen tuh pasti banyak jugo yang dukung, dak cuma duo wong itu be yang favorit, apolagi Daniel selalu ngomong "jangan sampai idola favorit anda yang keluar malam ini" yo jelaslah penggemar Dion, Yoda samo Febri begejot ngenjot sms, sah-sah be mak uji kito tuh, apolagi stasiun TV yang nayangke (mungkin) dak ngasih batesan sikok nomor bebas ngasih dukungan berkali-kali.
Jadi kalo kemaren aku baco ado berita yang ngomongi juri 3A (Agnes, Anang samo Ahmad Dani) harus mundur jadi juri Indonesia Idol kalo sampe Sean keluar... ai... terlalu dibuat-buat berita tuh... kalo memang cak itu mending Sean be yang nyanyi dewekan di Idol, dak perlu kontestan laen.
Memang akhirnyo Sean dak jadi keluar malem sabtu or sabtu dini hari tadi (01 Juni 2012) ole juri make hak veto dio yang cuma sekali kesempatannyo. tapi dilaen kesempatan dak pacak lagi nolong siapo be yang tereleminasi.. yo sudah... toh dalem hal ini Indonesia yang milih bukan cuma juri. Jadi dak ado alesan men Sean keluar laju juri mekot keluar pulo, walaw cakmano jugo juri cuma ngasih masukan, ide ataupun kritik buat finalis, toh yang juara jugo belum tentu sukses di industri musik. Jadi men aku sebagai masyarakat yang meraso tehibur dengan adonyo Indonesia Idol, biarkela mengalir, siapo yang keluar, siapo yang ditolong itu sebagian dari hiburan dan lemak ditonton. Lagian setiap wong punyo prediksi maslah juaranyo, tapi hidup itu lebih baek mengalir apo adonyo, kalo memang sesuai prediksi itu namonyo memang demikian nasibnyo, tapi kalo dak sesuai prediksi.... nah... itu baru menarik..
Bukannyo tantangan hidup memang harus cak itu... jangan terlalu Lebay mak uji wong tuh...
Finalis Indonesia Idol 2012
Henriyanto finalis yang mengundurkan diri sampai sekarang belum tau penyebabnyo
(sebenernyo ini yang aku dukung)
