IRFAN BACHDIM

hehehe.. nonton bola semalem (01 Des 2010 Indonesia v Malaysia) 10 menit awal memang ngeselin nian.. mulai dari grogi nyo pemaen timnas, kurangnyo determinasi pemain sayap, sampe takut nian liat Hamka Hamzah maen.. takut kalo dio dak pacak lagi maen bola pasalnyo dio la lamo nian dak maen di timnas, di level klub be dio pernah dak maen setahun, sampe-sampe gol pertamo Malaysia gara-gara kesalahan dari Hamka jugo.

Cuma... eng ing eng lepas dari gol bunuh diri pemaen Malaysia yang ngubah skor jadi 1-1 itu sontak berubah nian keadaan permaenan Timnas kito... MANTABBB.

Nah disinilah teliat kemampuan sikok pemaen, memang kito dak biso nyepeleke kompaknyo Timnas kito semalem, tapi kredit point pantes nian dikasih ke Irfan Bachdim (tanpa nyepeleke jugo peran pemaen naturalisasi kito Christian Gonzales), pemaen keturunan Indonesia-Belanda ini bener-bener bikin aku bedecak kagum (dak tau kamu (:)) olah bola nyo mantab, rainyo ganteng (cak aku wakakakakak) pokoknyo tipikalnyo mirip nian dengan pemaen Eropa sano, ibarat pempek cukonyo lemak nian men liat dio maen bola semalem, staminanyo jugo tejago sampe 90 menit.

Saking ngejut nge fans nyo aku samo Irfan nih.. sampe-sampe akun twitter dio kucari terus ku follow, pas aku follow tadi jumlah pengikutnyo masih 27.794 baru lewat sebentar ehh la berubah jadi 28.065, denger-denger jugo jam 5 pagi tadi akun dio cuma di follow bates kurang lebih 7000, caknyo bakal jadi idola masyarakat baru nian dio nih. sampe - sampe di akun Twitternyo dio masih dak nyangko tentang kemenangan 5-1 semalem

"Can not stop thinkin about yesterday! So amazing 5-1. I wanna thank whole Indonesia! INDONESIA makes us proud we will fight for this country"

yang pasti salut untuk Timnas Indonesia yang semalem sudah ngasih sesuatu yang saat ini pengen kito banggake "PRESTASI" walaupun jalan menuju kesitu masih panjang, masih ado Laos samo Thailand terus lawan-lawan yang bakal ketemu gek di group B. Kendak aku lumat galo musuh-musuh kito tuh, pastinyo Irfan Bachdim terus cetak gol.

Ok lah Irfan Bachdim dikau sekarang idola baru masyarakat Indonesia, semoga dikau biso bawak Indonesia ke levell yang lebih tinggi, dak lupo trimo kasih jugo buat para pemaen Timnas... BRAVO SEPAK BOLA INDONESIA...